■程瑤的老公及兩位囝囝都有撐場。香港文匯報訊 「仁美清叙」主席程瑤（Donna）日前率領一班前亞姐黃景珍、陳綺明、黎嘉韻、張加慧及王瑋等到訪天水圍社區中心，與一眾基層家庭預祝母親節。當日，Donna攜同兩位囝囝現身撐場，15歲的大仔朱震軒（Ernie）更「處男下海」即席表演扯鈴，有板有眼。其後「仁美」齊齊大合唱《世上只有》及派發鮮花給現場媽媽，場面溫馨。
活動結束後，「仁美」會員移師到露天茶座舉行小派對，大會安排蛋糕為「456月」的壽星慶祝，其間Donna老公Billy驚喜現身，冧得老婆非常開心。
對於大仔Ernie首次在公開場合表演，Donna笑言囝囝自小性格害羞，今次「半逼半氹」他嘗試表演壯膽：「佢有少少怕醜，想佢試下喺人前表演壯下膽。5年前我哋去四川去探訪地震災民，當地有人送咗個扯鈴畀佢，佢自己上網自學，學得幾好，我就叫不如嚟教下啲小朋友玩啦。」
Ernie遺傳了Donna的「長腿」基因，年紀輕輕已有6呎高，問Donna可會訓練大仔進軍娛樂圈？她說：「我冇限制佢做啲咩，父母只想小朋友開心快樂成長，睇佢自己鍾意做幕前定幕後都無所謂。但係佢雖然高大，但仲係好小朋友，現在都未有主見。」