賽馬與足球大多香港人士都喜愛，其實唔少支持香港足球運動的人也是馬主，好似目前足總主席及副主席梁孔德與貝鈞奇，前者養有「綠勇士」及最新以七百萬元投得的拍賣馬「活力勇士」兩駒，貝鈞奇就有「天狼星」及合夥馬匹「雷公鑿」，「軍事」系梁芷珊有香港飛馬、「包裝」系李氏家族有理文流浪、「勇晉神駒」及「神勇晉將」馬主張廣勇是南華球隊班主，上述各位馬主都曾經享受到贏馬樂趣，可見球圈中人除了擁有體育精神之外，就連養馬運都極佳，今次谷戰不妨吼實貝鈞奇名下的「天狼星」及「雷公鑿」。講開貝鈞奇，其實佢昔日養馬運極差，唔少馬匹未曾贏過就退役，就算現役的「天狼星」初期服役時也屢拚不逞，幸好在上季終於打開勝門，今季更再建多兩功。「雷公鑿」亦已在早前在谷中一哩報捷，既然貝鈞奇經已轉運，今次兩駒同晚安排上陣，確實有高度留意價值。