logo 首頁 > 文匯報 > 娛樂世界 > 正文

Mall姐宣萱拍拖 求相處開心

2017-05-25
■擺起「Mall姐」姿勢,江嘉敏果然很有宣萱的影子。■擺起「Mall姐」姿勢,江嘉敏果然很有宣萱的影子。

讚江嘉敏勤力 望勿忘初心

一套《不懂撒嬌的女人》令TVB收視回升,更引起坊間網民熱捧,掀起久違了的全城追劇潮。本周日大結局,宣萱(Jessica)演的「Mall姐」同林文龍演的文念深是否能走到一齊,就要先賣過關子。宣萱大讚演其年輕版的江嘉敏(Kaman)勤力,亦希望Kaman在呢行不論遇到任何挫折,都要保留初心,將來才能成大器。■採訪:植毅儀 攝影:彭子文 服裝:Ted Baker(宣萱)、(rococo_fashion_hk(江嘉敏) 場地: 觀塘帝盛酒店

宣萱回巢TVB在熱播劇集《不懂撒嬌的女人》演活Mall姐一角,採訪當日即場示範一句「OUT」,令大家拍爛手掌。1991年宣萱因接拍朱古力廣告而被無邦q視發掘,隨後成為該台旗下的合約藝人,隨後主演的《天地男兒》、《難兄難弟》、《天地豪情》、《寵物情緣》、《刑事偵緝檔案IV》等多部高收視劇集,成為TVB當家花旦。1999年,宣萱憑《刑事偵緝檔案IV》中的「武俏君」一角勇奪萬千星輝頒獎典禮最佳女主角一獎。2000年代初,與郭可盈、蔡少芬及陳慧珊被譽為無邦q視「四大花旦」。相隔4年再拍TVB劇,宣萱坦言視「Mall姐」一角為代表作。

「Mall姐是個能幹強悍的女性,與自己性格有點相似,同樣是硬朗型,又有控制慾以及對工作有要求。現在明白不可控制別人,只會畀建議,不像Mall 姐這麼極端,我明白Mall 姐點解遇到失控情G會驚,我自己都怕不肯定的工作情G和關係,以前會緊張失眠,現在睇化了。Mall姐講話好快,一輪嘴沒尾音。自己成日大喝Shut Up!Out!本來都有同導演傾過,但如果太柔弱,顯示唔到齛媯w朗,最開心是『Out』網民認同為金句。」

多謝松哥當年指點

劇中「Mall姐」因不懂撒嬌,在情場上遭遇挫敗。現實中,46歲的宣萱,拍過幾次拖,而在20 多歲的時候有過一段談婚論嫁的感情。問到宣萱何時才會撒嬌,她亦真情告白:「拍拖,是我唯一撒嬌的時候。」雖然已經46歲,但保養甚好,在4K全實景拍攝下,完全唔見任何頸紋,宣萱分享保養心得。

「我愛吃,不用工作時就四圍搵食,這是人生一種享受。吃完就多做運動,跑步、行山,人都健康些。另外,松哥(劉松仁)成日叫我練氣功,令個人安靜下來,但我成日都忘記做。其實我同松哥好好朋友,以前入行初,同松哥好多合作。是松哥告訴我的,他覺得我倆的性格太相似,有時眼見我對人不夠寬容和耐性,就像他年輕時一樣,他覺得這樣做有點不好,因此叫我要待人多點耐性,我亦努力改變中,但性格不是說改就改,我這幾年已努力改變中。拍拖同做人一樣,人愈大追求的事愈簡單,最緊要係自己開心。」

教江嘉敏咩角色都要試

新人江嘉敏憑陽光笑容被封為新一代「宅男女神」,今次同前輩宣萱一齊孖住做專訪,其實是宣萱主動提出,希望讓觀眾多認識這個很有潛力的小妮子。江嘉敏雖然只得22歲,鋼琴已學至演奏級,而且工作認真,早前參演《親親我好媽》,「阿媽」江美儀也對她讚不絕口。今次演年輕版「Mall姐」,原來Kaman同宣萱並沒有同場戲份,但主動入廠睇前輩演戲。宣萱說:「我同Kaman沒有對手戲,反而文龍就有。但因為演年輕版,佢有問我意見,睇下是否年輕版時都要好硬朗。但我同Kaman講,後生時的『Mall姐』其實都是剛入社會工作,就因為遇到不同的人和事,才令『Mall姐』之後變到好強勢。Kaman真人同我年輕時好似,講說話大大聲,笑又大大聲,我覺得佢好有潛力,但就希望佢做呢行要保留自己的本心。另外我鼓勵佢咩角色都要試,唔好單睇表面覺得一場、兩場戲,戲份少。我前年拍《我來自紐約》,只有9場戲,錢唔多,經理人唔想我接。但可以同狄龍大哥合作,我堅持要接,最後在第7屆澳門影展得了4項大獎,我就拿下最佳女配角,所以有些機會買都買唔到。」

前輩宣萱的教路,旁邊的江嘉敏專心聽教,江嘉敏表示雖然沒有對手戲,一樣得到前輩宣萱的讚賞,自己喜出望外:「我們拍劇時未有機會交談,反而最近宣傳才傾得最多,沒想過宣萱有留意我演出,也肯與我分享演戲經驗,好多謝她。」

讀文匯報PDF版面

新聞排行
圖集
視頻