
第五場「達羅素」今季出道已取得兩冠四位,近兩場大長途面對強手都跑入前四名,今次重返二班作賽有力反客為主,試埋千七米谷閘而來料目標在此。「安荃」前仗同程拚入第二,上次縮程跑一哩明顯不合腳法,「安」系馬配韋紀力不時有佳作,估計今次不會袖手旁觀。
第六場「深愛」上次初出千二米後上贏馬,屬葉廄少數一出即勝馬匹,料其必有過人之處,現居四班肯定屬過客身分,用客串騎師韋紀力足可梅開二度。「勝利專家」近期在三班上陣已覺走勢山雨欲來,今次落到四班形勢由弱變番強,起用冷殺手田泰安提防搗亂大局。
第七場「喜旺寶」自購馬今季來港八戰七次跑入三甲表現準繩,唯一落第只是在打�m大賽對手太強,而鞍上人祈普敦六次策騎非冠即亞足證人馬合拍,今次對手無多之下料可捧走獅子山錦標。「縱橫大地」上次出戰一級賽冠軍一哩賽都跑第四名,今次降落三級賽贏點卡士,用韋紀力操刀線路獨立可左右大局。
第八場「平湖之星」於紐西蘭出賽兩次取一冠一季,贏馬路程為千二米,來港後三次試閘全勝出,肉身龐然大物適應水土環境快,性馴操好大可一出即拚。「靚猴王」今季重返文廄第二仗已順利交代,目前評分經已重返贏馬時水平,路合排一檔屬正路實力馬。
第九場「威信」澳洲出賽五次取一冠三亞,贏馬路程為千二米,來港後受操進度越來越好,今次初出直路賽已有力一鳴驚人。「運來寶寶」上仗同程贏三個馬位開齋,復課繼續力磨試埋大閘,用巫顯東減十磅上陣有力梅開二度。
第十場「金剛之星」季內兩度獲亞軍俱在千四米,距離開齋只差一步,今次加強配搭用郭能操刀料屆出頭之時。「美麗出擊」近仗走勢山雨欲來,來港後頻頻上陣減分已多,起用史卓豐提防施冷箭。