文家良馬房剛周日憑「大笑大少」贏得季內第十六場頭馬，成功畢到業，壓力可以講已消除咗，但睇嚟倉主對呢個成績唔多滿意，大家睇睇呢次夜賽，呢個馬房共派六駒上陣，當中有唔少實力分子，只要有好運氣配合，分分鐘可推高頭馬數字。好似第一場隻「威旺財」，呢隻馬季初由蔣嘉琦贏咗場泥地一哩，當時以二十分馬贏「漸信名駒」及「想贏就贏」，賽後獲加六分，點知之後越跑越差，目前評分更跌番落十九分要被淘汰評分區域，五班馬獲得保留必須要有廿一分，所以呢隻馬到季尾階段，唔單止要贏馬，評分仲要返番安全水平先至可以保留。當然大家都好難想像，一隻季初贏緊兩隻目前仲喺四班跑緊嘅馬，如今要進行救馬行動，所以呢隻馬今場要吼住。至於點解搞成咁，馬匹本身顯然有內在問題。呢隻馬去年九月中贏馬後，一直跑唔番水準，跟馬匹角逐興趣有關，馬房亦曾經安排過呢隻馬喺二至三月份到休歇站作短暫式放草，只放草廿日就返馬房重新備戰，當然馬房亦唔夠膽點大力催谷，用順其自然方式磨練。直到近期，馬匹開始有番角逐興趣，事關馬房安排呢隻馬喺五月十九日彈一課谷草千二米閘，結果後上搶入一席第三名，頭二馬分別係「好性格」及「好富有」，呢課大閘突然有番晒鬥心，馬房拿拿臨安排隻馬跑番谷草一哩，用埋個有七磅可減嘅黃皓楠，一隻有實力而且負磅又輕，兼且有多少賠率嘅馬，點都值得吼吓吽C