■吳鎮宇、張孝全、張可頤和蔡潔等出席《香港華爾街》煞科宴。香港文匯報訊（記者 梁靜儀）吳鎮宇、張孝全、張可頤、蔡潔、陳家樂、潘燦良、張雷、張松枝及張建聲等，昨晚到尖沙咀出席網劇《香港華爾街》煞科宴，眾人並開香檳預祝有好收視。
鎮宇表示接拍該劇全因是已故資深電影人陳佩華撮合，他說：「因為最親愛的佩華姐叫到幫劉生（劉德華）手，呢次係最後一次合作。」他指今次拍網劇令他尋回很多演戲的樂趣，而全劇只得5集。《香港華爾街》劇情以金融股票市場為主，鎮宇表示試過兩次入市都撞正1997年和2008年股災，他說：「當時係跟師奶買，其實買股票要做好多功課，唔係賭錢，唔係聽貼士買。（之前輸好多？）當時比較窮，想博，輸咗都係變返窮，唔係由有錢變窮。」說到張孝全在劇中很多感情線，鎮宇自嘲年老體弱，應付不到太多女生，但孝全就可以應付到，令旁邊的孝全尷尬傻笑說：「不會，不會。」
張可頤表示戲中飾演金融股票精英，但現實中對投資唔叻，試過損手交了不少學費：「咁多年損失近七位數，做藝人冇咁多時間理，股票要學，同埋買穩陣股，買磚頭都係，（多唔多磚頭？）OK啦，有啲投資有啲自住。」她謂原本想在英國買樓，但朋友指隔太遠難打理，加上又有恐襲更加不會買。