■阿Sa指柏豪會爆男人的秘密給她知。香港文匯報訊（記者 梁靜儀）蔡卓妍（Sa）、周柏豪及李敏昨日到電台接受訪問。剛由馬來西亞做完演唱會返港的阿Sa，返港後即要為電影《原諒他77次》宣傳 ，她笑言早上想扮病不上班，之後又要為電影和唱片宣傳，令她有點精神分裂。
談到拍戲的難忘事？ 他表示拍之前跟阿Sa不熟絡，但中學時聽她的歌曲。阿Sa即反擊說：「我哋差唔多大， 你見唔到我凌厲嘅眼神咩？」他又續稱阿Sa為前輩，曾在頒獎禮頒獎給他。被寸老的阿Sa即笑窒柏豪：「冇所謂啦，出到街啲人叫我姐姐，叫你做叔叔咁就知咩事啦。」
柏豪指二人在戲中經常要對決 ，阿Sa透露柏豪會爆男人的秘密給她知，男人之間有個不成文的規定，如他們的另一半搵他們，打給他們的男性朋友，對方就會自動演到一場戲，不用事先夾定，成班都是影帝，還有很多男人同時會有兩部手機，一個是鬼電話，會校震機及反轉電話。柏豪自言是幫人那一個，經常半夜收到電話，而他不需用這種招數，因為他會坦白同老婆講出去玩，不過他承認自己有兩部手機，因為他有很多群組，一部手機唔夠用。
柏豪自言愛拍劇
知道如此多男人的秘密 ，問到阿Sa可會影響到她識男仔？她無奈地說：「男人係咁，都冇計，（以前啲男友都係咁樣？）唔記得啦咁耐，費事追溯返，（點招架？）整定嘅，（有冇爆女仔啲秘密？）啲女仔光明正大，有咩唔講得呀？」問到同公司的林峯被傳與女友吳千語分手，她回應說：「唔知道，唔八卦。」
另外，電視劇《不懂撒嬌的女人》傳會拍外傳，劇中飾演Cherry的唐詩詠，提議可找柏豪或袁偉豪演阿Sam一角，柏豪笑說：「咁好玩！多謝佢賞識，我幾鍾意拍劇，拍劇對我嚟講係好新鮮嘅工作。」