（第一場）「天意」剛戰初爭此程，能夠克服檔曳兼蝕步速下而追近，水準差極有個譜，三歲仔首度角逐中距離經已咁厲害，前途無可限量，誓師再戰，欣逢對手唔算強，正是拚出頭好時機。
（第二場）「飛馬再威」剛戰排最外檔都照贏如儀，五歲馬擺明實力超晒班，勝後唔選擇提早抖暑，反而操足再安排出戰勝途，擺明想趁馬有銳勢執多場。
（第三場）「一馬當先」評分減到過晒龍，除非本身真係一沉不振跑唔番，否則在現水平角逐應有討價還價條件，射程範圍角逐，不失為一匹危險伏兵。
（第四場）「首映」在港三戰此谷草最短途都未輸過，強如「實力飛駒」和「手到拿來」亦要蹄下稱臣，賽績相當硬淨，如無意外，屬前列爭霸之材。
（第五場）「澤心星」剛仗贏馬唔奇，只係估唔到取勝姿態竟能如斯輕鬆，五歲馬戰鬥力進一步昇華，增程二百亦屬射程範圍，機會持續看俏。
（第六場）「翡翠福星」剛戰能與頭馬單打獨鬥彈甩群駒，此席亞軍點計都唔失禮，質新分子持續見進步，贏得頭馬是遲早問題，值得繼續追。
（第七場）「包裝騎士」剛戰再下一城，迄今已在同程累積四冠兩季佳績，堪稱首本無疑，贏完加五分沿留原班優勢未失，連捷機會樂觀。
（第八場）「愛樂寶」（圖7號）最近打疊贏，上回能夠輕易擊敗路程專家「開心有你」，水準夠晒說服力，勝後加七分濕濕碎，食住個勢，理應進軍三捷。