第六場､第三班､一六五○米。「愛美麗」四歲仔今季跑過十三仗，戰至四月初角逐田草千四米，喺雷神胯下留放出色後上險勝；拚後加分跑過三仗，當中同程火併勇馬「文藝學家」入Q一役最為出色；今次告仔再揀窄場一哩誓師，兼且改配巫顯東只孭一零八磅輕到識飛，慎防搶頭走冷門爆鑊甘。
第七場､第二班､一八○○米。「金匯龍華」上屆跑馬地百萬挑戰盃狀元，易主後已取得一W，該役配巴度出爭一哩爆出廿七倍冷W，勝後五仗只得季殿各一，尤其上賽喺好拍檔郭能胯下爭千八力戰僅負；今次人馬再戰排外檔換來可觀分頭，值得敲之。
第八場､第三班､一二○○米。「英姿茂盛」五歲澳洲自購馬跑法具彈性，季內跑獲一冠一亞五季表現忠心，再看上次列陣窄場三班千二，臨場重飛搶放入位；今次改配潘明輝減至一零五磅兼排靚檔起步，只要快閘放出可坐定粒六。