■唐詩詠表示想同古天樂合作。香港文匯報訊（記者 梁靜儀）古天樂、唐詩詠及戴尚安等昨晚到金鐘出席Pavilion會員專屬貴賓室揭幕酒會。之前有傳古仔有意簽詩詠，昨晚二人同場，詩詠更谷胸上陣。
身穿十幾磅重西裝的古仔，笑言不及之前拍科幻片所穿的戲服重：「件戲服重三四十磅，仲搞到我頸椎骨移位，睇咗兩個星期醫生，仲瘦咗十幾磅。」
之前有傳古仔的公司有意簽唐詩詠？古仔說：「好呀，叫佢直接傳畀我，（有無興趣簽詩詠？）睇吓先啦，但佢好似有公司。」古仔又稱認識詩詠已久，都不明為何有此傳聞，自己只是一名演員，無資格話請唔請人。說到他也是老闆？古仔自言是演員，對上一次與詩詠合作拍電影，是因角色適合她，跟電影老闆提過，用不用是老闆的事，不是他推薦就得。問到可怕傳緋聞？古仔說：「之前講過應該唔會。」
稱沒人夠膽追求
谷胸上陣的唐詩詠，大晒三吋事業綫，引來全場嘩聲四起，不過她坦言有加工：「有加墊、Nude Bra至會有咁嘅效果。」談到早前有傳古仔的公司有意簽她，事後二人亦已作出否認，問到詩詠見到古仔時會否自薦？她說：「要整理好履歷先，呢啲只係傳聞，完全沒傾過合約嘅事，（想同古仔合作？）古仔係個好演員，當然想喺電影上同佢合作，（談到身價是否以千萬計算？）我唔會用錢去衡量，要睇發展空間，大家工作理念，再加誠意金就可好喇。」憑《不懂撒嬌的女人》一劇爆紅的詩詠，透露近日多了不同類型的工作，當中有內地劇和電影。
回復單身的她，被問到感情生活時，她表示最近忙於拍劇。提到之前傳聞的盧啟邦？詩詠表示只是舊聞，已沒有聯絡，現在沒有人夠膽追求她。至於再拍拖會否揀圈中人？詩詠認為緣份很難說：「同圈中人拍拖太有壓力，要緩衝同休息吓。」