■Jeana指Hidy屬體能打女型，建議她簽外國公司。香港文匯報訊 網絡紅人林慧韡（達哥）昨日以CEO身份現身銅鑼灣，出席手機遊戲公司發佈會，同場還有女藝人何佩瑜（Jeana）同余曉彤（Hidy）到場支持。達哥表示計劃同藝人、娛樂公司及KOL合作開發手機遊戲，問到達哥可有興趣同撞樣的蔡思貝合作？他說：「我知佢有套新劇，不過未有時間睇，我覺得都有些似樣，氣質似，佢係港姐。之前都有合作，不過都要睇老闆意思，佢始終係電視台藝員，唔係想做就做。」至於為自由身的Jeana同Hidy正物色經理人公司，Jeana表示都有香港同內地公司傾緊，男朋友都有畀意見自己，等年底先決定，先忙埋手頭上的工作。Hidy說：「自由身已年多。」在旁Jeana指Hidy屬體能打女型，建議佢簽外國公司：「我覺得佢係未來的第二個楊紫瓊。」記者提議Jeana自組工作室簽Hidy？Jeana笑謂：「但我要拍先喎，如果有機會都好呀。」Hidy笑指兩人會爭寵。