■張可頤香港文匯報訊（記者 梁靜儀）張可頤昨日以代言人身份到尖沙咀出席美容活動，她笑言經常做白老鼠試新機，但她不擔心有問題，因有每次試新機前都有導師講解。年屆四十七歲的可頤被指凍齡，她表示最重要是心情好無壓力，女性保養好重要，見過同齡的女生因疏於打扮，望上去相差很遠。問到可接受微調？她笑說：「要調都調身材先啦，我唔抗拒，可以增強自信心，自己都夠膽試新科技，但今年由年頭忙到𠵱家，所以冇微調）。（想調邊個部位？想大？）唔係加大，剛剛好夠用就夠。」
問到可有留意新一屆港姐面試？港姐出身的可頤表示沒有留意，對於有參選佳麗疑似整容出現「間尺鼻」，可頤坦言：「如果整出來靚、提高有信，對生活提高質素無傷大雅，自己就崇尚自然，每人審美眼光都唔同，最緊要安全，我有時都分唔清那些女仔，無論髮型、面形、眼睛都好似倒模，望落去個個都一樣，沒有個性，反而有些女仔睇落去唔靚，但耐看。」可頤透露最近在佛山拍戚其義的劇集，對手有黃德斌，要拍到八月才收工，今次同黃德斌合作，她的角色要由廿幾歲演到五十幾，令她感到很有挑戰性及很大壓力。