■老婆JC陪伴身邊照顧老公。香港文匯報訊 安志杰日前溫馨大晒一家三口拍攝廣告的情形，囡囡Tessa在鏡頭前很懂入戲，比爸爸安志杰及媽媽Jessica C.（JC）更為搶鏡。
JC昨日在網上上載安志杰在病床合照，只見安志杰穿上病人服及戴上浴帽，似乎是做手術，
香港文匯報記者向安志杰經理人求證，原來安志杰本月19日於寧波拍攝電影《功夫聯盟》，其間佢要拍一個速跑然後急煞停轉身動作，點知就係因為呢個動作，令佢右腳腳踭筋腱撕裂，當晚即時被送往寧波醫院檢查。第2日安志杰被送返香港，並入院照X光及磁力共振，最後醫生決定昨日為安志杰開刀。預計要幾個月時間才可完全康復，不過電影已經開拍，安志杰可能休息兩個星期便要繼續開工。
安志杰經理人公司昨日表示安志杰睇嗰個醫生係骨科同創健科專家，所以幫佢處理得好好，由於安志杰剛開完刀，所以傷口痛同比較攰，佢老婆Jessica C.每日都有到醫院陪伴，安志杰希望早日康復，早日返屋企見吓個女Tessa。