■林峯透露今次是他首次在內地開四面台演唱會。香港文匯報訊（記者 梁靜儀 廣州直擊）林峯將於9月23日假廣州國際體育演藝中心舉行《Heart Attack林峯世界巡迴演唱會-廣州站》，昨日並假廣州四季酒店舉行媒體見面會。林峯昨日亦回應情變傳聞，他否認與女友吳千語已分手，二人更相約一起去歐洲旅遊。
穿上紅色連身套裝現身的林峯，獲主辦單位送上一個巨大心臟，並一起拉開巨大心形氣球，寓意Heart Attack巡演隨即正式開始。而歌迷代表亦送上能量金字塔給他，寓意票房及人氣再創高峰，此外主辦單位亦送上68片歌詞竹簡，祝他勢如破竹。
阿峯表示半年前因拍清裝劇而剃光頭，之後刻意於接拍內地劇《 大潑猴》時戴頭套扮孫悟空，是為了留長頭髮做巡迴演唱會。 問到是否要操弗？他笑說：「現在腹肌好隱約，要開始操返，進行地獄式訓練，冇啖好食，自己鍾意食要控制返，但都只可以食兩樣嘢，雞胸肉同雞蛋，當時喺香港操得幾弗，今次唔可以輸蝕。」
相隔4年再在廣州開個唱，亦是巡唱第一站，阿峯透露今次是他首次在內地開四面台演唱會，歌單亦會有改動，而台上機關會較多。談到之前林敏驄的演唱會發生塌台事件，他又可會害怕？阿峯說：「其實怕嘅，工作人員怕啲，自己on show就唔太點理，向來自己都注意安全，而今次台邊唔係有太多隙罅，最大危險性係有啲升上去嘅機關，之前我同dancers 上到去跳舞都好搖，練習咗就好啲。」
指父常與女友食飯
問到屆時BB（指女友吳千語）會否前來捧場？阿峯說：「應該唔會，香港睇咗，（唔怕又傳分手？）估唔到我唔喺香港六七個月大家咁掛住我，（有冇分過手？）冇，佢有佢忙啫，（BB戒了夜蒲？）夜晚去clubbing好正常，正常社交，唯一就係冇帶我去， 佢啲朋友我都識。」說到有傳林父不喜歡千語？對此阿峯就說：「我爸爸自己都唔知喎，佢哋成日一齊食飯，OK㗎。」問到他與女友是否有結婚共識？他謂先工作，工作上還有想做的事，而且女友還年紀小。
提到有報道指千語BB搬入他薄扶林的豪宅做女主人，阿峯否認與女友同居，認為男女朋友去探對方好正常，他們各有各住，大家有自己的空間。問到豪宅是否寫了女友的名？阿峯就以私人事為由不作回應。今年連續拍了兩部內地劇，阿峯承認與女友聚少離多，之前女友去橫店拍劇他都有去探班，又透露拍完《大潑猴》之後偕同女友及一班朋友去了歐洲旅行一星期，此行主要駕車四圍去洗滌心靈。