明明社會大眾對高鐵同「一地兩檢」都唔反感，但反對派就堅決反高鐵、反「一地兩檢」，到底點解呢？民建聯日前就喺facebook出咗個post出嚟，由該黨立法會議員葛珮帆為大家揭反對派「底牌」，直言︰「反對派妖魔化『一地兩檢』，實質是拒絕承認香港是中國一部分，其底牌根本就是『港獨』。」有關帖文有逾300人畀like，有網民更留言︰「奉公守法，何懼『一地兩檢』。支持『一地兩檢』！」
民建聯facebook上仲以《若要人不知》為題，直言︰「反對派講到尾都係為咗搞『港獨』！分化香港！可惡！」並加上「一地兩檢」、「唔好再妖魔化」、「合情合理」嘅標籤。網民「Stephen Hung」就提出如何應對呢啲反對派話︰「快改議事規則，再立23（基本法第二十三條）仲好啦。」「Sui Sun Chan」就建議︰「張圖，啤牌應該用， 葵扇二及葵扇五，可以表現到佢哋嘅二五仔精神。」 ■香港文匯報記者 甘瑜