■雨僑前日與粉絲慶生。香港文匯報訊 上周六是雨僑（Ava）的生日，今年Ava的牛一好滿足，因為工作排得滿滿之餘，一班追隨多年的粉絲亦於前日在銅鑼灣的hmv kafe為她舉行生日會，令Ava好欣慰。
壽星女Ava當日穿上大紅露肩裝，與在場粉絲傾偈、影相、玩遊戲、唱生日歌，而粉絲亦送上鮮花、清保涼、自製小禮物等，最特別係送上一個榴槤蛋糕，Ava切蛋糕之後簡直榴槤飄香，但真的並非人人頂得住，事後她笑說：「我年年都同粉絲聚吓、互動吓，大家一直保持好好關係，佢哋都跟咗我咁多年，都好知道我心意，所以特登揀咗個榴槤蛋糕畀我。其實佢哋好多人都唔食，好在間餐廳夠大，如果唔係咁勁嘅榴槤味怕臭親隔離。」
Ava為回饋粉絲心意，亦一如在參演新片《西謊極落：太爆．太子．太空艙》的骨妹角色般，大送西式靚湯給粉絲滋潤。