【資料速遞】魅力之子四班超級

2017-08-31

周日就係馬迷引頸以待之日，十場沙田草地賽俾大家鬥智鬥力，究竟到時邊啲騎練可以先聲奪人？一日未到正式開賽，都冇人可以答到啦。好多馬迷朋友等足八星期，心情一定異常興奮，亦都滿懷期望，所以可能對第一次賽事特別用力，點都會比平時刨馬刨得深入啲，備課冇話錯，之但係如果太用力，可能會適得其反囉。攞起出馬表瞄一瞄，沈集成有好多馬報名，另一華人倉主徐雨石，亦都不遑多讓，同樣有超過十駒出戰，遍布喺全日十場賽事，睇個勢唔係講笑，睇嚟呢日石哥都好想打響頭炮。至於鍾意邊匹呢？有啲分喺手嘅「魅力之子」可以諗吓，畢竟四班短途具相當卡士，季前有做嘢，預期呢鋪郁手。