■吳浩康香港文匯報訊 吳浩康（Deep）將於12月在九展開騷，昨早網上優先訂票開賣不夠一小時，門票迅速售罄，連阿Deep自己也想不到，他說：「冇諗過係咪真（一個鐘內賣晒），因為同我講嗰個同事我比較信任佢，所以佢一同我講，我真係好開心、好激動，好多謝身邊同事、朋友、家人嘅support。」
Deep又透露緊張到失眠，「其實一路都好緊張個狀況，前一晚一路都瞓唔着，到半夜四點我都未瞓得着。今朝一起身都留意住個狀況，見到咁多人支持自己，更加要做好啲，唔好令大家失望。」他也希望加場，但要交由公司決定。
久違8年，近日終於推出新歌《較早前錄影》，Deep直言感覺好OK，新歌找來黃偉文（Wyman）填詞，Deep說：「我第一首派台歌《先入為主》，之後《洗剪吹》、《擇日失戀》都係Wyman填詞。」他續稱要特別感謝Wyman為他的新歌寫的一句「從自棄到自重」，再一次寫出其心聲，他說：「其實面對被標籤嘅狀況都冇得理太多，索性做好自己先，專注去實踐自己嘅目標。」而其目標就是可踏上紅館舞台開騷。