【資料速遞】銀城福星掩人耳目

2017-09-29

高廄「快利」上季煞科日離開沙圈步出跑道之際，突然跣腳人仰馬翻，甚至後蹄擦傷亦批准照跑，造出一場大敗假賽績，該駒今季首戰取得季軍，似乎已經忘記傷痛重新振作。而今季亦有類似事件發生，摩廄「銀城福星」今季初出一役，同樣在步出跑道時拋跌貝湯美，雖然此駒比較好彩無受傷，但情緒一直煩躁，結果出閘未能搶出，只能跑獲第五，剛戰落第亦算係一場假賽績，因為大敗六個多馬位並不能反映此駒真正實力，經實戰洩火後，晨課已經變得乖巧，相信臨場不會再有煩躁的情況出現，如因上仗落第而有好分頭，就更值得一博。