香港快運前日被揭發今日起至本月8日間，18班往來香港至首爾、大阪及名古屋的航班要取消，被各界「鬧爆」其不負責任，亦有人「事後孔明」地指「平嘢無好。」無論如何，香港快運今次實屬難辭其咎了。不過，估不到香港快運在取消航班的同時，另一邊廂卻又推出優惠，以低至半價機票吸客。香港快運前晚在其facebook專頁公佈，會於手機App提供限定優惠，23個航點的折扣高達半價。有網民表示，不會再因為價錢而光顧香港快運，更形容航空公司以平價吸客是「害人」行為。
限時促銷廣告 台日半價機票
香港快運前晚在facebook公告：「返工日日如是，一於去旅行叉叉電啦！無論您鍾意去日本嘅寺院過返個寧靜嘅下午、喺台灣街頭大吃大喝、定係去東南亞享受陽光與海灘，呢個優惠都好啱您∼」
有關優惠由前日凌晨12時起至明日結束，旅客可透過其手機App訂購本月7日至下月30日的優惠機票，優惠更可低至半價。
不過，在網民得知香港快運臨時取消多班航班的消息後卻未有繼續搶購機票。「Neptune Kwok」形容，香港快運在公司臨時取消多班航班的日子推出優惠等同「打多自己老闆一巴」。「Josephine Tong」稱，推新優惠讓人聯想到部分美容中心及健身中心結業前繼續促銷的行為。
「Kate Man」更單刀直入地說：「嘩......仲好意思推出優惠既（嘅）......真係想繼續破壞聲譽。如職員唔夠或資金唔夠就好心接(摺)左(咗)佢啦......利用香港人既貪平又要玩一蚊機票。直住（藉着）取消班機博個客會轉機賺反（返）個差額......簡直可悲。」