■趙頌茹(左)和王寶葆跟巨型月餅合照。香港文匯報訊（記者 梁靜儀）趙頌茹（阿Yu）與王寶葆（春卷）昨日到大埔出席中秋活動，二人與巨型月餅合照，又即場學整湯圓。阿Yu表示中秋節有很多難忘事，因大女於中秋節出生，而細女就相隔三日出生，她笑謂：「我佗細女時就叫佢唔好同家姐同一日出世，如果係就好蝕，分開過會唔同啲，不過現在都係年年一齊過生日，每年都係蛋糕、月餅同時切。」
最近阿Yu忙於為ViuTV拍劇，她笑謂新劇角色對她而言有點老土，飾演一名喪夫的單親媽媽。問到現實中也是單親媽媽的她是否較易投入角色？她說：「演員都係盡心盡力去做，都有少少喊戲，拍嗰時就諗當個老公死咗囉！（可想有感情戲？）小鮮肉都好呀！不過現在自己鍾意成熟穩重，唔鍾意姊弟戀喇。」
王寶葆表示中秋節會跟家人食飯慶祝外，又會跟公公婆婆打麻雀。問到可有男士約她一起共度佳節？她說：「冇拖拍，又冇乜人約，之前因為太忙，推咗男士約會，推推吓就冇人約。」問到赴美發展進度？她說：「對方以私人理由取消，都損失咗七位數字，對方都有賠返訂金，但同當初的酬金比係差天共地，（叫新老闆王晶幫你追究？）都已經賠返錢，等佢（王晶）通知有咩Planning，現做返手頭上的工作先。」