■靚靚好樂意去湊「城女」。香港文匯報訊（記者 梁靜儀）張玉珊、袁詠儀（靚靚）、蘇永康及蔡一智昨日到油塘出席《愛心送暖迎中秋》，台上靚靚與長者一起做體操，又大派禮物，跟逾百位長者一同共度中秋。靚靚透露好友郭富城有通知她生女，但未有機會見。她表示打算與沈嘉偉夾份打個金牌送給BB女，恨生女的她又明言如果城城肯，她想跟B女上契。
自行化妝的靚靚表示老公張智霖（Chilam）也有稱讚她，但老公經常都會讚她，所以也不懂他哪句是真說話。她又謂老公也經常夾埋兒子搞到她很勞氣，試過一次與朋友去食飯，兒子拿起蟹箝玩，她就話兒子玩到很嘈，Chilam就話「點解食飯唔可以嘈？」，食完飯兩父子就走，似搭枱一樣。返到屋企她就好認真地同老公講，不可以在兒子面前跟她這樣講，搞到她好像很緊張，兒子就叫她：「Take it easy.」
問到可有見過好友郭富城（阿王）的BB女？靚靚表示阿王有通知她生女，但就還未有機會見：「我生過，知要畀大肚婆休息，同埋佢哋又新手，如果個個都同佢講點湊，佢會亂，我只係話畀方媛知要準備啲乜，阿王小美有咁大個團隊唔使擔心。」靚靚又稱原打算待BB滿月才去探望，但阿王又要去拍戲，沒理由自己走上去。提到阿王指女兒樣子像他，靚靚笑指是東莞妹就靚，因為她與阿王都是東莞人。阿王又自爆做了爸爸後，朋友都找不到他？靚靚承認有此事：「阿王真係變咗，佢有覆電話，但就冇出嚟，不過佢真係好Daddy，覺得佢應該要返去陪太太，（阿王忙湊女，Chilam豈不是少了隻麻雀腳？）佢大把腳，畀一排阿王做Daddy過吓湊B生活先。」靚靚表示打算與沈嘉偉夾份打個金牌送給BB女，問到會否上契？恨生女的靚靚搞笑說：「都唔興，但我個仔就係同沈嘉偉上契，如果阿王肯，我就OK，我可以幫手湊B女。」
蘇永康翻煲《壹號皇庭II》
戴上黑超的蘇永康，自爆因前一晚通宵追看了四集自己有份演出的劇集《壹號皇庭II》以致有黑眼圈。劇中他跟王菲演情侶，他謂跟對方沒咀戲，但跟陳梅馨就有。張玉珊笑問他跟王菲拍拖可有感覺？他自嘲說：「咪係美女與野獸！鄧特希將佢個人夢想建築喺我身上，劇中我係最多女朋友。」
他又透露本周日便會跟太太遊歐洲下月8號才回來，此行太太要去工作，他就去行街。問到可會掛念兒子？他說：「都會視頻，個仔半歲大，我同老婆都未試過兩公婆去拍拖，第一次離開個仔咁耐，（造個BB回來？）唔使，舅仔最近生咗個女，我會視如己出，（唔再生？）冇呢個打算，好好教個仔就得。」
曾拍過不少劇集的張玉珊就稱自己不是吃這行飯的人，有時看到自己的舊作就想暈，雖然間中也有人找她拍戲，但現在自己較低調，拍MV就可以。