■小方與蘇麗珊相差十多歲，戲中卻飾演情侶。香港文匯報訊（記者 梁靜儀）擅拍愛情小品的導演葉念琛，成功將方力申（小方）與鄧麗欣（Stephy）打造成銀幕情侶，可惜小方和Stephy十年情最終分手，然而在新作《愛情奴隸獸》中男主角依舊是小方，而「阿寶」一角則換上新人蘇麗珊。
小方在戲中是高海寧（高Ling）的奴隸獸，其中有場戲他更要在銅鑼灣鬧市眾目睽睽下任由高Ling掌摑，令他萬分尷尬，他說：「拍戲咁多年，未試過被人狂摑咁多巴，仲要跪低，雖然係快閃，但都拍咗幾個take，好尷尬。」他慶幸現實中未曾被女友這樣掌摑。
小方又自爆身邊有朋友是奴隸獸，被人打罵都全無反抗，他笑說：「我唔會鄙視呢種人，因為好多都係自願，但我就冇被虐狂，唔會同佔有慾強的女仔一齊。（之前是否這個原因而分開？）Stephy唔係一個『主人』，（係因為你太大男人？）我係暖男，行甜蜜路線。」
否認前度綁太緊
首次跟小方合作的蘇麗珊，亦認同小方是暖男，指拍戲時對方對她好細心。問小方是否想追求對方？小方即說：「她已有男朋友，我從來唔撬人牆腳，除非對方瞞住我，不知者不罪，啲人話我好正經，唔撩女仔。」蘇麗珊笑指小方只是鍾意「撩水吹」。
單身多時的小方又稱現時不渴望拍拖，覺得不需要向人交待行蹤好輕鬆，問到是否之前一段情被綁得太緊？他即否認道：「唔係，以前拍拖交待係責任，係自願的，但現在就享受工作。」小方又稱自己是浪漫主義者，對愛情仍有憧憬，嚮往一見鍾情，喜歡自己鋪排一切，故不接受女追男。正在蜜運中的蘇麗珊表示中秋節計劃和家人一起過，因男友很忙，還未知會否一起過。
方力申
Hair: Vince Pang & Euling Chow @ ILcolpo Platinum
Make up: Yen Lai
Outfit: Zucca@I.T & Mcq@I.T
蘇麗珊:
Hair - Will Yu@the attic
Make up - Will Wong@WiLL makeup
Outfit - Style Nanda @ ithk
場地提供: Emax