■陳凱琳以淺藍色DeepV裙出席活動，雖然心口有一片紗布，但難以遮擋事業線，非常搶眼。香港文匯報訊（記者 梁靜儀）陳凱琳（Grace）、張文慈(Pinky)、楊思琦、陳法蓉、向海嵐、溫碧霞、龐卓欣、陳爽及Rosemary等，前晚到中環出席《ARTE與何國鉦My Wonderland魔幻派對++4》活動。性感谷胸上陣的Grace，表示事前有給男友鄭嘉穎過目，男友出門口前佢都拿條披肩畀自己披住。
身穿粉藍色DeepV裙谷胸上陣的Grace，雖然心口有一片紗布，但難以遮擋事業線。被問到事前可有給男友鄭嘉穎過目？她笑說： 「男友都有望一望，都有『吓』一聲，我解釋係大會指定，佢話都會尊重的。(男友唔想你太性感？) 我出門口前佢都拿條披肩畀我，叫我披住出門，費事我出街時被人睇到就唔好。(驚你被睇蝕？) 係驚我冷親，因外面打風。」
出席活動前Grace與男友被拍到十指緊扣到維園欣賞網球比賽，Grace表示也是第一次現場睇比賽，覺得很刺激，自己比較喜歡看女子網球賽，現場的氣氛又很好，希望再去睇過，而看球賽是很好的拍拖節目。Grace又透露男友也曾教她打網球，但她就沒有天分，她亦不會完全投男友所好，兩人的興趣都是演戲和睇戲。問到平時她與嘉穎可會在家玩角色扮演？她笑謂工作已經要演戲，在家都是做回自己。
其好姊妹陳嘉寶將於下個月結婚，嘉寶曾表示會將花球拋給Grace？Grace笑說：「我會盡量去接，呢個係祝福！（接到就要嫁人？）順其自然啦！都唔會強求，睇吓傳統係唔係真係靈驗。」說到她近日經常以素顏示人？Grace表示不用開工時都盡量不施脂粉，想讓皮膚休息一下，問到男友會否介意？她笑說：「我知自己黑眼圈好大，介意都冇辦法，我真係有熊貓眼。」
張文慈社交網了解栢芝近況
張文慈早前生日，她自爆因吃了多餐生日飯，以致胖了幾磅，但平日晚上六點後就減少進食，而最肥是之前拍《宮心計2深宮計》，因為成班人開工日日食肥得較犀利。問近日可有相約好友張栢芝見面？Pinky說：「見少了，(同你食生日飯？ ) 冇冇冇，但我有留意佢社交網，知道佢的近況。」提到導演陳勳奇近日指張栢芝拍戲唔專業，她說：「陳勳奇解釋話冇鬧佢(指栢芝)，之前發生咩事我唔清，但我反而睇到段報道覺得係還栢芝一個清白。」她謂以前跟栢芝未算很熟絡時曾合作，覺得栢芝很有演員道德，是一個很認真、專業、投入同好快的演員。問到會否是情緒影響栢芝的演出？Pinky說：「我唔敢講，始終我唔了解件事，唔可以代佢回答，但我同佢合作時係沒問題。」
楊思琦拍兩網絡電影好累
楊思琦表示剛完成兩部網絡電影，兩部都是飾演指揮官，因要大嗌加上之前又感冒，以及要內地香港兩邊走，故完成拍攝後感到好累，她說：「骨火走晒出來，輕輕捽幾下已經走出來，兩邊手臂都有。」現正處於休息的思琦，希望有時間帶女兒去主題樂園玩。之前有樂園鬼屋發生奪命意外，思琦表示會帶小朋友玩適合的遊戲。她又透露女兒之前去公園玩時不慎跌到，整瘀了下巴。
名模Rosemary前晚以嘉賓身份睇騷，她表示入行後經常獲Dorian邀請為其作品擔任模特兒行騷，故對方有新作品，一定要來捧場支持。她又透露有意拜Dorian為師學時裝設計。Rosemary謂當晚見到不少以前曾合作的老朋友，有聚舊的感覺，看到一班模特兒行騷，令她想起以前自己行騷的情景，有機會都好希望可以再踏上天橋行騷。
