■張彥博與粉絲聚會，順道補祝生日。香港文匯報訊（記者 植植）藝人張彥博上星期正式踏入 37歲，為了答謝粉絲多年來的支持，阿博近日雖然為無綫新劇《跳躍生命線》日夜趕工，但昨日仍於百忙中抽空與粉絲聚會，順道補祝生日。
雖然昨午已懸掛8號風球，但依然無損過百「博迷」熱情，他們除了特製阿博一比一人形紙板公仔送給偶像外，更將《陪着你走》改詞變成生日快樂版本，令阿博大為感動。 阿博亦坦言被粉絲的熱情融化了：「今年因為拍劇太忙，冇乜時間準備，所以原本諗住今次聚會唔唱歌，齋睇粉絲表演算數。但估唔到佢哋除咗有才藝表演，仲要做咗個咁靚嘅人形紙板公仔畀我，講真，收到嗰吓真係幾感動，所以到最後都係忍唔到上台同佢哋一齊唱歌仔，希望大家一直都可以好似𠵱家咁開心咁團結。」
至於生日願望，阿博表示除了自己及家人身體健康外，亦希望事業方面能有所突破，阿博說：「開演唱會一直都係我的夢想，希望來緊可以實現到。另外雖然話現在出唱片好難賺到錢，但我都希望可以出到，因為係一個音樂路上成長的紀念。」