第一場、第五班、一二○○米。「名馬」雖然已經係九歲老馬，但上仗尚且有能力在五班谷草一千米追獲殿軍，反映退化程度未必如想像中嚴重，上季表現低沉只係一個退化的假象，實際上，剛季不少告廄馬表現一沉不振，此駒只係跟大圍減分，現評廿八分乃歷季最低點，上仗敗後轉投麥菲文馬房，此廄得這老馬加盟，肯定會一季砌盡，復課頻頻拍跳兼試大閘，對老馬施以辣操，擺明車馬立即打硬仗。
第三場、第四班、一二○○米。「盛勢」上季尾取得連捷，最難得係回升四班一役仍然肯熱食，證明馬房有能力保持馬匹狀態，而且馬兒在四班亦有舉足輕重的分量。「盛勢」屬北半球四歲馬，現時尚有不少進步空間，季內四戰雖然未勝，但分別跑獲兩第六及兩第七名，近兩仗所負僅兩馬位，反覆試準後，而今轉爭谷草短途賽，可憑後勁將對手一網成擒。
第五場、第四班、一六五○米。「帝勝之星」至今六戰三度上名，既然仍未打開勝門，幕後當然要繼續找尋取勝的方法，除了嘗試轉路程或場地之外，上仗更安排初戴眼罩，結果出閘的確跟得住前列馬群，但被對手放順之後只能追獲季軍，實際上所負僅半馬位；既然一再後上不及，今次初跑一哩亦屬合理安排，而且轉戰谷草對手級數較低，此駒必珍惜機會打開勝利之門。