![](http://image.wenweipo.com/2017/11/22/c03b.jpg)
第四場、第四班、一二○○米。「笑春風」上季三歲插四班上陣,首兩戰在田草千二米獲一冠一亞,升上三班後雖然未再建功,但亦得一季一殿,反映在三班亦有力一爭。今季「笑春風」剛轉四歲,季內首戰只跑第五;上仗加眼罩及初跑谷草,更大敗跑包尾,不過觀乎上仗跑法,排六檔起步,但全程走外疊望空,以必輸跑法應戰,臨場賠率亦過於冷落,大敗其實好合理;復課再試大閘,然後安排再戰同程,似乎對於牠的谷草性能相當有信心,鬥志一層毋須懷疑,重返四班應可收復前失。
第八場、第三班、一六五○米。「美麗寶寶」上季四捷田草千六米,當中兩場在三班賽,一再證明本身屬三班惡馬,今季初期在田草表現平平,最主要原因係粗身大馬狀態未起,而且在嫌短的千四米起步,多少反映出大摩安排寓操於賽的心意,事實上,此駒大前仗扳上田草千六米強項,已經放入第五名,近兩仗轉爭谷草一哩,更取得一亞一殿,看上仗遇慢步速,採用提早發力搏走甩的跑法,雖然最後以半馬位飲恨,但確認了一件事,就係此駒跑慣田草長直路,所以衝程較長,在谷草中段發力都掂,試準再來有權補中。