香港文匯報訊 日前黎小田(Michael)及薛家燕齊齊作客TVB娛樂新聞台節目《StarTalk》，接受主播許文軒(Edmond)專訪，黎小田更大談將舉行作品演唱會的感受及分享與薛家燕合作多年趣事。Michael說：「今次演唱會會邀請好多原唱同後輩歌手做嘉賓演繹，（邀請關正傑出山？）我同佢通過電話，但佢始終唔肯返出來唱，佢話已經退休，話寧願返來同我一齊食餐飯。」
問到薛家燕到時會否獻唱小田的心水歌時，她笑說：「黎小田覺得我唱歌一般，所以唔鍾意作畀我，好難作，搞到我好Hurt，傷了我的心，錄音時佢又叫我慢慢唱，佢就話要去食西餐鋸扒，佢聽都唔想聽。」黎小田說：「所以到後期，家燕姐叫我做乜我都會做啦！」薛家燕說：「咁又係，好似《流行經典50年》，Michael佢初初都唔想做，真係因為我佢先幫手。」
專訪提到二人關係時，薛家燕說：「都有少少想過電㗎，但大家太了解大家，都係做朋友好些！而且佢俾我感覺太花弗，好似個Playboy咁，不過識耐咗，我真要同佢澄清，有次去日本工作，佢大大聲同人講要去邊度滾，到第二日原來佢都冇去，佢得把口，話好貴。」