■獅子山頭被人掛上寫有「守護香港」字樣的直幡。香港文匯報訊（記者 蕭景源、鄭治祖）黃大仙獅子山近獅頭位置，昨日發現被人掛上一幅寫有「守護香港」字樣的直幡，惟直幡被大風吹翻，字樣倒轉變成「港香護守」。飛行服務隊直升機其後奉召到場拆走直幡，案件列作「發現橫額」，交由相關部門跟進，暫時無人被捕。不少網民狠批掛幡者浪費警力及消防處的資源，更可能造成危險。工聯會新界東總幹事鄧家彪也指，「大家都認同着守護香港的獅子山下精神，同舟共濟，跨越困難，而唔係製造麻煩。」
在昨晨7時左右，有市民見到一幅長約25米、闊3米，黃底黑字直幡，在獅子山頭隨風飄蕩，上面寫着「守護香港」四個大字，但因為風勢太大，直幡掛上不久就被吹翻。
違規可囚3月罰二千
警方接報後到現場了解，初步相信有人於凌晨時分走上山頭掛上該幅黃色直幡。約個多小時後，8名消防員搭乘政府飛行服務隊直升機抵達山頭，再游繩而下，花了一句鐘於中午前拆走直幡。
根據《郊野公園及特別地區規例》，任何人未經許可，不得在郊野公園或特別地區內展示任何標誌、告示、海報、條幅，違例者最高可被判罰2,000元及監禁3個月。
網民：講就兇狠 鬼祟倒米
不少網民均留言鬧爆掛幡者，認為此舉浪費警方以及消防處的資源，甚至會為拆幡的紀律部人員帶來危險。
「Andy Tang」道：「嗰啲×樣成日認為自己幾有道理又話為香港，但係又要鬼鬼鼠鼠（祟祟）半夜三更去掛幡， 點解唔光明正大去掛呀？ 咪就係證明佢哋自己都信心唔夠~心虛囉！」
「Edith Ho」道：「又要消防員浪費時間去拆，自己跌死就算，唔好害消防員，自私自利！」
「Ronald Cheng」也道：「靠你哋掛條幡就守護到香港咩！而（𠵱）家倒埋米，有咩辦法唔收皮。直升機操作一個鐘三萬幾蚊，未計其他相關行動支援人員，拉佢要賠償納稅人錢就啱。」
鄧家彪也發帖指：「我們只知道，是一眾紀律部隊守護香港。其實大家都認同著（着）守護香港的獅子山下精神，同舟共濟，跨越困難，而唔係製造麻煩。消防人員，飛行服務隊和警員，辛苦晒！」
反對派「唔拆就得」自曝其蠢
有反對派支持者就聲稱，只要政府不派員拆除，就不會影響到紀律部隊人員的安全，網民「May Ho」留言反駁道：「如果唔拆......一段時間飛咗去唔知那處，打中唔知乜水，又話政府唔拆！唉！根本無聊事就唔好再做啦！」
「威風」也說：「未申報懸掛任何橫額，當佢飛左（咗）落街搞到出現車禍，放Banner果個（嗰）賠到破產都未賠完。不嬲都唔可以掛野（嘢）係（喺）郊外地區，掛完又唔拆左（咗）佢先大問題！」
有網民就恥笑，直幡被風吹翻，擺明「連個天都唔鍾意佢哋」。「Mike Woolly Wong」揶揄：「連塊布都掛唔穩，點守護呀？」「Angus Wong」則道：「上天睇不過眼，刮（颳）起大風將它吹至倒轉，笑死！」