■林師傑與歐陽巧瑩早前已暗示好事近。資料圖片香港文匯報訊 星夢前晚舉行慶功宴，旗下歌手胡鴻鈞、鄭俊弘、何雁詩、林師傑、谷微等出席，其間「木偶哥」林師傑更被公司老闆何哲圖大爆他已向女友歐陽巧瑩求婚成功！
當晚，林師傑致謝辭感謝老闆時，被在場人士催婚，之後他將咪高峰交予何哲圖，何哲圖竟大爆料說：「結婚呢樣嘢，已經同師傑溝通咗啦，我哋。」全場起哄，何哲圖再透露是他鼓勵林要珍惜女朋友，要鼓起勇氣跟女友講「要定落嚟」。
之後林師傑承認：「現在正式宣佈，我已經封咗盤，所以大家啦，盡情去妒忌歐陽巧瑩啦，羡慕佢啦，你哋冇機會，我已經將個人留咗畀佢，哈哈。真係開心，老闆好關心我呢件事，畀咗我好大信心，我冇諗過婚姻，成日以為要搵好晒啲錢，買到樓，搞好晒先去做，係老闆畀咗個好大啟發我，仲幫我擇晒日，係好感動嘅成件事。」他並多謝未婚妻：「喺一個唔係咁靚嘅時候，遇到歐陽巧瑩入咗我生命，同我拍拖，三年後準備籌備結婚啦。希望大家可以祝福我哋！」至於何時拉埋天窗？林師傑說：「老闆幫我擇咗！」