■內地票房好，君如直言已經覺得好幸運。香港文匯報訊（記者 梁靜儀）吳君如昨日到旺角某戲院為自導自演的電影《妖鈴鈴》進行謝票，又與現場觀眾玩遊戲。自認辛苦命的君如表示：「影片喺內地票房收逾2億，但喺香港票房就麻麻，所以要宣傳。」她又自言沒感失望，因內地票房好，已經覺得好幸運。
為了宣傳新片，君如透露已連續兩個星期去了內地十幾個城市，走遍百幾間戲院， 經常都忘記自己睡在哪裡，而香港會是最後一站，因舟車勞頓，所以有點不適，之後會休息。
談到票房，君如指影片在內地收逾2億，但香港票房就麻麻，不過大家可能覺得是正常，可能因院線少，而同期又有好多超級大片上映，唯有盡量做。問到下次會否不安排影片在大檔期上映？君如說：「原本打算鬼節上映，因為趕唔切，可能大家慣咗聖誕睇西片，農曆年睇港產片，係緣分同彩數，唔能夠講得咁實，（有冇失望？）冇，因為喺內地第一日開畫票房好好，身為『小學雞』導演已覺得好幸運，OK，合格。」
忙於工作被囡囡反白眼
至於會否籌備第二套戲？她謂要休息一下先，要靈感到及還要看市場。問到要忙於工作，女兒可有詐型？她笑說：「我同阿女講『阿媽做埋今日就陪你。』個女就反白眼話『今日咪最後一日囉』，（個女轉數快似你？）希望啦，因為阿媽轉數開始慢。」
君如昨到港九戲院謝票，以戲中身份鈴姐為大家祈福，其間她更搞笑道：「觀眾都好熱情好滿意，唯獨女兒竟嫌我在戲中的扮相不夠醜，明明我是大美人來的嘛，下次叫她來演，她自己扮醜吧，不過她的演技......哈哈。」