蘇保羅元旦日賽事雖然成績一般，但今次沙田八草兩泥混合賽，此廄派遣七駒出賽均實力唔弱，佢期望各駒會有好表現，可以贏得新一年首場頭馬。
上仗在快活谷二班千二米角逐有出色表現，贏得今季首場頭馬嘅「一哥」，今戰移師田草一千米出爭三級賽洋紫荊短途錦標，蘇保羅對馬匹嘅機會分析說：「踏入今季馬兒已經七歲，雖是一匹年長馬，但戰鬥力不但未見退化，在陣上更有越戰越勇嘅感覺，上仗能夠勝出，主要臨埸有好形勢配合，遇上較快步速，末段可以順利望空展開強烈衝刺，勝後評分增加，出戰三級賽要面對較強嘅對手，想取勝顯然有一定嘅難度，但牠表現忠心準繩，喺田草一千米有好戰績，只要再遇好形勢，贏多場並非不可能。」
喺短途有好表現嘅「辣辣椒」，剛戰在田草一千米跑入一席第三，今仗在同程再戰，蘇保羅說：「其實馬兒嘅質素唔差，可惜欠缺運氣，經常排在外檔及受到擠阻影響演出，跑到第三個馬季仍未能贏得頭馬，總有點失望，不過隻馬至今取得四亞七季，演出算穩定，而且目前狀態甚佳，希望蒙幸運之神眷顧，盡快打破悶局。」