（第一場）「精算八方」對上三戰全入前四名，演出準繩，四歲質新分子狀態與賽俱增，今次轉換配備顯拚勝決心，加上抽到二檔更是如虎添翼，值得追贏。
（第二場）「贏馬神器」季內四戰三度跑獲獎金名次，其中前次在同班同程力迫「銘記心中」獲亞軍，彰顯狀態已在勝利邊沿徘徊，潘頓繼續摸實唔放手擺明要拚贏方休，欣逢對手爾爾，出頭在望。
（第三場）「大地和平」對上四戰名次拾級而上，剛仗更只是以短距離影相輸俾「春盈」獲亞軍，某程度係輸運氣多過實力，求逞必再拚，取其戰意旺盛。
（第四場）「咪走寶」上仗贏馬唔奇，只係估唔到取勝姿態竟能如斯輕鬆，四歲質新分子進步幅度顯著，沿留原班優勢未失，添食料冇乜難度。
（第五場）「榮冠大道」剛仗排最外檔都照贏，且更係壓倒今場主要對手「勁有波幅」，賽績夠晒說服力，勝後只加六分濕濕碎，乘勇可再接再厲。
（第六場）「夢幻仙子」剛戰影相力壓對手，表面睇看似贏得驚險，實質根本係睇住來食，五歲馬現正處盛年，評分高處未算高，可博打疊。
（第七場）「勇冠王」上仗大勝而回，更係擊敗今場主要對手「勇駒」和「觀自在」，賽績具指標性，贏完沿留原班着數到暈，如無意外，可以執多場。
（第八場）「好益善」季內有贏有位，悉數賽績全來自此谷草千二米，堪稱路有專長，六歲馬正值大熟大勇，評分高處未算高，潘頓揀騎可睇高一線。