第二場、第五班、一六五○米。「升力」九歲老馬上場於谷草一哩後追得季軍，看埋門一課快試拍廄侶「荷蘭風車」，本身沿途被按實韁繩下仍搶住走，末段稍鬆即追越廄侶姿態悅目；難得回勇必把握機會拚勝。「辣得寶」今季初在五班谷草一哩贏馬反彈，其後田草千八米也得第三；剛役轉爭谷草卻排大外檔而敗近；今次如有好際遇，料可再入三甲。
第五場、第四班、一八○○米。「榮冠大道」（圖6號）今季轉攻谷戰，當中兩爭此程，首次已得第五；剛戰排外檔早段居後，末段後追殺上掄元；現瞄準勝途要吼實。「勁有波幅」埋門試谷閘千七米，沿途「中華盛世」走二疊慢放，「勁有波幅」則沿欄緊隨，結果兩駒同放到終點；磨利再臨具補中機會。
第七場、第三班、一六五○米。「勇冠王」近兩場重返同程，先以頸位屈居亞席，剛戰即重現威力大勝「勇駒」四個馬位；今次再臨連捷機會樂觀。「估惑」近賽表現已趨向穩定，而且環顧今組甚少放頭馬，以本身擅長擺前走跑法，且看佔得形勢之利下，能否贏回一場向幕後交代。