外號「維園阿哥」、「馬草泥」的「人民力量」前成員任亮憲舉行記者會，宣佈以「獨立候選人」身份參加立法會港島區補選。雖然佢根本冇用「人力」個牌頭出選，但唔知點解「人力」咁上心，發聲明質疑佢係要𠝹「眾志」港島另一參選人周庭嘅票。任亮憲就話有關聲明涉及誹謗，他會就此徵詢法律意見，並要求對方今日內收回言論。有網民就突破盲腸，話「人力」聲明「正正係幫馬仔拉票」喎！
「人力」發炮 慢必割席有古怪
任亮憲日前喺一批金融業界中人包括周顯、沈振盈、黃上瑜和盧志威等支持者陪同下宣佈參選。唔知係私怨定係另有目的，人哋明明冇用「人力」個名，但「人力」就公開發聲明，話所有「人力」支持者及其他反對派嘅選民，都應該根據「政治倫理」去支持周庭。
聲明又話，任亮憲在2012年離開「人力」，曾為親建制的白韻琹助選，「人力」絕不認同其「迎合媚上、左右逢源之政治取態」云云。「人力」立法會議員陳志全（慢必）在fb轉載該聲明的同時，仲貼咗一張撕爛咗嘅呇P任亮憲嘅合照，以示劃清界線。
任亮憲其後在自己的fb轉發了有關圖片，說：「多謝您的鞭策，我會更加努力！」佢其後再上載陳志全與「狗主」黃毓民嘅合照，問佢會唔會撕埋呢張喎。有人更上載陳志全同佢之前鬧過冇「政治倫理」嘅「本土民主前線」發言人梁天琦嘅合照揶揄佢，「連梁天琦都可以包容，真不明任亮憲有咩問題要割席？」
「Raindy Li」就寸「人力」在立法會選舉時經常狙擊其他反對派搶票，實在冇資格話人「??票」：「??票論出自拳頭幫（『人力』），真係人唔笑狗都吠，唔諗吓自己點起家？」「Willy Chan」就針對陳志全唔妥初選機制，叫馮檢基退出一事：「你咁講政治倫理點解只限港島？跟足機制出嚟嘅老馮你又輸打嬴（贏）要呢？」
不過，唔少人都話呢單嘢有古怪。「Calven Ma」就意有所指地留言：「其他組織我唔敢妄議，『人力』同你宣布（佈）決裂，絕對係出於好意。」疑為「人力」成員周志超更「畫公仔畫出腸」稱，「慢必割席，其實正正係幫馬仔拉票啦！」 ■香港文匯報記者 羅旦