【資料速遞】黃皓楠好健康包勝

2018-01-26

自去年十一月五日策騎「嘉福」墮馬受傷，見習騎師黃皓楠養傷兩個半月後，將於今次沙田日賽復出。黃皓楠復出的坐騎當中，以苗禮德「好健康」及告達理的「包勝」機會最好。啱啱從傷患中痊癒，騎者最希望自然保持健康，「好健康」馬名就夠晒應景，而這匹七歲馬評分由高位一○六分，回落至目前八十分，今仗將會係相隔四年後，首次重返三班作賽，兼且負少五磅之助，且看能否帶來頭馬。另外有餐士面應是告達理馬房的新勝馬「包勝」，上賽在同程擊敗「八十八十」水準相當高，今仗續戰贏馬路程四班千二米，換上黃皓楠減去五磅可抵銷上仗贏馬加分幅度，再下一城機會甚樂觀。