■劉嘉玲表示不介意演衛詩雅媽咪。香港文匯報訊（記者 梁靜儀）劉嘉玲與任達華(華哥) 相隔多年再合作演出賀歲喜劇《我的情敵女婿》，嘉玲自言不擅長演喜劇，但就未有向老公梁朝偉請教，她笑言：「唔需要，我好專業，其實我演戲好過佢，只係大家忽略了我 。」
影片由葉念琛執導，首次與嘉玲合作，他形容感覺很開心，不過嘉玲就自覺不適合拍導演的電影，因他向來多是拍廿來歲年輕人的愛情片。葉念琛就笑指觀眾是會長大的，而當日劇本出了之後，他就屬意由嘉玲姐演戲中的角色，並以情信打動她接拍。
戲中嘉玲飾演任達華過氣情侶，分手多年後，任達華戀上了她的女兒衛詩雅。嘉玲表示不介意演媽咪角色：「 自己呢個年紀有個廿幾歲的女好合理，只係我沒生育而已，加上故事情節好吸引到我，在現代社會係會發生，阿媽個舊情人竟然會鍾意了舊情人個女。」如現實中發生這種事，她又會怎樣處理？思想開通的嘉玲說：「 始終比較shock，但會站在個女立場，顧及個女的情緒，如果個女真係鍾意又開心，阿媽同個男人唔work，可能個女同佢work呢？我呢個年紀咩都接受到。」
情敵是自己女兒，不會傷心嗎？嘉玲認為如果有個情敵，情願是自己個女：「有咩咁傷心呢？個女一定係要同個男仔發展得好好，同埋個男仔keep得好啦，如果係一pat嘢，我當然唔會畀個女同佢一齊啦，我會將我同個男仔發生過的事話畀個女聽，或者之前係我做錯呢。」嘉玲認為一對情侶分手，雙方都有問題，但時下的女仔多是鬧個男仔不會檢討自己。
開心遇TVB舊同事
影片除了有劉嘉玲與任達華演出外，導演並請來八十位影星，包括謝賢(四哥)、薛家燕、王菀之、林盛斌（Bob）、姜皓文及麥明詩等客串演出，嘉玲表示今次拍攝賀歲片最令她開心的是可以見返很多多年沒見的TVB舊同事。 葉念琛笑說：「今次碌爆晒(人情)卡，最開心請到在內地紅到日日要開騷的MC Jin(歐陽靖)，最大張卡當然係嘉玲姐啦。」
演技已是公認好的嘉玲，不諱言喜劇對她來說其實是很難演，再加上跟年輕一輩有代溝，她說：「我同王菀之有代溝，她們講那些我唔係好識笑，有時接唔上，仲有阿Bob、黑仔、四哥都好搞笑，四哥喺現場仲好笑過個角色，咩都夠膽死。」不過嘉玲發覺演喜劇原來是很歡樂的，又終於明白偉仔為何喜歡演輕鬆的喜劇，但就沒想過夫妻檔演部喜劇，她笑說：「如果我們一齊演部喜劇就會變了悲劇，因會打起上來，應該係佢打我，佢肯定嫌棄我，佢唔使說話，表情已經嫌棄我。」問到可有請教偉仔演喜劇的心得？嘉玲想也不用想就說：「唔需要，我好專業的。」
相隔多年再與華哥合作，問到嘉玲有何感覺？她笑說：「佢老咗... ...我講笑，佢越來越有魅力。(華哥說在片場被你電暈？) 佢把口『口浪』過油，佢一定催眠自己，話我係好靚好索。」 她笑言若現實中有一個像華哥般的女婿就好了，因他在全世界每一個地方都買層樓給太太，真的無得頂，不是價值問題，是他那份心思及願意付出。
衛詩雅大爆在片場聽到華哥跟太太講電話時很甜蜜，又不好杯中物，找男友也要向這個目標進發。談到首次跟嘉玲姐合作，詩雅大呼感覺好夢幻：「嘉玲姐真係好靚，阿媽咁靚就好，同埋會有個目標，第時自己要keep得好些，但冇時間請教嘉玲姐點keep得咁好，同嘉玲姐合作學到要保養。」