第三場「萬馬飛騰」上周谷中一哩只不敵「達羅素」得第二名，後駒剛戰已贏三級賽可見雖敗猶榮，今次匆匆再戰強手已去料補中在望。「英明神駒」上年二月由巴度開齋後再添勝仗，上次用梁家俊僅負於輕十多磅的「金如意」，今升班減十七磅重配巴度，人馬合拍可東山再起。
第四場「勇者勝」最近兩戰越來越近，上次谷中千二米排十一檔，馬會評語係跑過百五米處時上前，接近終點時處於窘境，咁都只輸三個馬位，今搵潘頓出馬排一檔，擺明打真軍了。「劍凌雲」上仗跑第三證狀態復甦，今次強配雷神操刀有心拚個明白，加入兼顧為宜。
第五場「金碧輝煌」近三戰兩勝谷中千二米，經上場田草隔紗後返谷中搵食，排黃金一檔用梁家俊執韁有力還以顏色。「大運舞台」近兩場同程後上第三不及，今次強配莫雷拉不容再失，輕磅路合有力本利歸還。
第六場「勁嘉輝」來港四季只兩勝七次亞軍，準繩有餘威力不足，今季出六場次次有獎金，今休息四個禮拜再來，當銳必無保留。「西域猴王」無過人之質但勝在減分快，初跑一哩遠比短途為佳，提防今場會突如其來。
第七場「幸運興隆」今季大勇，除了一次扳上一哩誤於長力不足，其餘六戰谷中千二米獲一冠四亞一殿，前次叮噹馬頭僅敗在「育成寶貝」蹄下，再出排十一檔也保持水準，此刻當打是最佳馬膽。「佳知武仕」今季到港日子不長，兩次試大閘都揀跑馬地，亦試得好，幕後出擊目標十分清晰，冷門選擇。
第八場「贏科超影」到港由三班七十三分減到四班五十八分，初跑此程即爆冷，當晚走內檔一攻而破，上次梁家俊停賽換楊明綸排外檔，形勢逼使走外檔一樣追得好，北半球馬踏上升軌可力爭上游。「龍船」上次忽然縮程跑泥地千二米，最大得着是減兩分，回到八十分剛好跑今場，用杜利萊操刀必拚，三甲要兼顧。