香港文匯報訊 鄧健泓（Patrick）和石詠莉（Sukie）去年底結婚後，直到前日兩公婆才起程去馬爾代夫度蜜月，同時亦因為Patrick會在今年4月舉行演唱會，農曆新年後就一直忙搞開騷事宜，所以他趁開騷前放盡跟Sukie好好享受假期，但人算不如天算，竟然撞正當地爆發政治危機，全國進入緊張狀態。
Sukie前晚已在facebook報平安，Patrick 就表示暫時一切安好，大家不用擔心，Patrick 說：「我們前晚到咗馬累，要住一晚酒店才可到呢個resort，但一去到馬累，係好奇怪地見到防暴警察同水馬擺喺酒店門口，我有問過啲當地人，佢哋就話有抗議事件，但瞓咗一晚之後，真係唔好彩，Sukie扁桃線發炎，我哋要去馬累嘅醫院睇病，當時係凌晨四點幾，醫院都冇咩人，我哋好安然睇完醫生攞咗藥就返酒店。」
現時Patrick夫婦身處馬爾代夫其中一個小島，一切平安，Patrick表示，「暫時都好寧靜，冇嘢發生，運作好正常，啲人好似唔太擔心，都好有禮貌、好有 service；Sukie昨（前）晚食藥之後好好多，都有精神，係有些喉嚨痛，好彩帶咗吤h醫院，因為之前扁桃線發炎會令到佢發燒。」昨日Patrick 在facebook貼上太太「影后」相，以示兩人平安無恙，感謝大家關心。