■雪雪今年第一年以母親身份過農曆新年。「狗女」孫慧雪（雪雪）去年榮升媽咪，今年是她首次與半歲的囝囝Riley過農曆新年，阿雪更將囝囝打扮得勁得意。
肖狗的雪雪今年是本命年，但她不相信犯太歲，更非常期待，笑言可以買很多狗公仔禮物。講到新一年目標，雪雪笑言要將肥肉轉送給囝囝，BB肥肥白白，自己就減肥成功。而工作上亦有新突破，將推出歌曲一嘗做歌手滋味，雪雪說：「想把握時間挑戰自己，之前有粉絲想我試吓唱歌，於是就造咗首歌，曲風編曲係型格，令人意想不到。來緊會到北海道拍MV配合『雪雪』主題，因此要努力減肥。」
雪雪前年嫁予圈外老公羅天彥，去年火速誕下巨B Riley，今年是第一年以媽咪身份過農曆新年，雪雪笑言一早淘了很多可愛童裝衫，又教半歲囝囝講恭賀說話，希望能逗到更多利是：「舊年第一年派利是，支出都幾多，今年就唔同，會帶囝囝收利是，希望打返個和。我會佢打扮得意些，仲會訓練佢講恭喜發財，咁識講嘢可能會收多封。」
她又透露：「囝囝仍最愛用BB話咁講『I Love You』，但就唔肯叫『媽媽』，講得最多係『奶奶』，一肚餓就嗌，喊嗰陣先會叫『媽媽』。本身想同佢去行年宵，但怕人多，所以沒有去，始終呢排流感勁，我都唔敢帶佢周圍去。」
採訪：植毅儀／攝影：彭子文／髮型：Simm Lui＠La Mod／服裝：Amber Fashion／場地：Stormies