【資料速遞】四季旺擅長跑B欄

2018-02-23

今季田草曾經三次用Ｂ欄，睇番一月二十八日同一條移欄草地賽事，當日在第六場之後進行壓地，全日十場頭馬時間全部慢過標準時間，當日「八十八十」、「大武士」及「鈦金剛」放頭帶到、「開心日子」、「飛越鋒」、「四季旺」、「首飾大帝」前置守四至七位入直路，另外「金錢炮」、「閃耀駿駒」同「翩翩」後上贏馬，跑道形勢都好平均，練馬師方面，沈集成今季三次田草B欄都有馬贏，分別係九月三日起孖，十一月十九日一捷，與及一月廿八日取得從練以來首次一日四捷，鎮倉寶「四季旺」季內三戰田草B欄次次有馬贏兼捧盃，今次出爭香港金盃唔好睇少。