第五場「美麗日子」前次跑過一場加羊毛面箍大敗之後，上次報跑嫌短千四米除了這配備即再近，雖然不敵「陽明秋秋」，但最後一程反撲係威係勢，今回師千六米，本身與「美麗之星」同母，此程必合，有權贏回一仗。「及時行樂」大前仗在此程輕勝，該役亞軍「開心日子」已經再贏，李易達要爭取成績當無保留。
第六場「精算風暴」上次拉士飛將軍從天而降，就知道唔係一般四班馬，但大超班唔代表必勝，姍姍來遲可以歸咎於馬冇實戰經驗，今加程照計有益無害。「陽光」上次都係初出跑千二米，最後一段走勢風捲殘雲，好明顯都係有質素之輩，今場估計兩駒可以單打獨鬥。
第七場「鈦金剛」最近四戰俱取得獎金，當中近兩次田草千八米俱贏，今次起用雷神排一檔起步，有力再建奇功。「佳騰駒」澳洲昆士蘭打吡一級賽冠軍，四歲馬來頭十足名氣響亮，今次主帥貝湯美停賽起用潘頓執韁，料有力介入戰團。
第八場「金如意」連續四場取得獎金，獲得兩冠一亞一第五名，剛在同程大勝三個半馬位，賽後加九分繼續跑三賽有力再下一城。「太聰明」近仗用巴度及何澤堯都一再跑入前四名，今次起用雷神加強配搭，料有力贏番一場交代。
第九場「大武士」早前一出即勝，亦有強勁票數支持，取勝過程所見，戰鬥力比想像中更厲害，跑過一場狀態有上冇落，留在第三班，決意再贏一場升班去。「亮先生」與「大武士」個案相同，贏馬姿態也輕鬆，雖然兩駒有四分之差，但沈集成近期當旺，賀賢剛戰有「冰糖葫蘆」鬥輸，所以前駒秤高些少。
第十場「佳知武仕」早前初出谷中千二米，賽前口部有血或受影響，潘頓一直固守內欄，但入直路後好一段途程受困，遲遲望空後先在馬林中略為追前，結合底質千四會好追，可秤先。「老友威威」最近於嫌短一千米五戰減分不少，今次田泰安一早攬住唔放，實屬今場突擊分子。