■鄺美雲和一眾好友團拜。香港文匯報訊 鄺美雲（Cally）近日以港區全國人大代表身份到北京出席第十三屆全國人大一次會議，早前她已專誠抽空邀請唱片公司一班同事、 唱片監製趙增熹及好友食開年飯，Cally開心表示：「早前唱片公司幫我推出《C AGAIN》靚聲專輯，好感恩口碑跟銷量都有不俗成績，唱片公司話我知暫時銷量已過『金唱片』數量，同時已邁向『白金唱片』。始終我已好耐無推出商業唱片，由進入錄音室錄音到出碟期間，唔多唔少都有壓力，暫時知道有『金唱片』銷量，算係跟唱片公司有交代。」當晚唱片公司更特意用心做了一件紀念品送給Cally，慶祝Cally唱片銷量報捷，兼預祝銷量繼續衝破「白金唱片」！
Cally笑謂：「農曆年前到花市，發現我多咗好多女粉絲，佢哋同我講每日喺電視睇到我嘅新MV，即時到唱片店搵我嘅CD買，仲幫我手做埋宣傳，叫旁邊擺賣店主快啲去買我CD。」 Cally更打趣道：「今次再次出碟，真係好開心得到好多歌迷同朋友支持，佢哋問我會唔會做簽名會，要畀CD 我簽，但奈何短時間內我真係無時間可以做到簽名會，唯有叫各人將CD送去我屋企，我集齊CD後喺屋企做咗一個唔公開的『私人簽名會』，同事幫我擺好一個CD陣，最高紀錄我用咗3個小時簽咗千多隻CD，辛苦但好開心、滿足！」
唱片公司亦透露稍後會為《C AGAIN》推出印有編號的限量黑膠唱片，屆時更會換上一個全新唱片封面作特別版，Cally已率先向唱片公司預留了編號「001」給自己作留念。