■任亮憲曾「白紙黑字」舉牌質問區諾軒會否再燒基本法，區諾軒卻稱當時對問題「另有理解」。論壇截圖香港文匯報訊（記者 鄭治祖）多次鼓吹「自決」的立法會港島區補選當選人區諾軒，日前被當區選民入稟司法覆核，指他曾公然焚燒基本法並提倡「港獨」。區諾軒昨在電台節目中聲言，建制派及其支持者申請司法覆核是要「輸打贏要」，又狡辯指自己從未焚燒一本「完整的基本法」，當日只是燒毀附件三的「彩色影印本」。協助市民入稟的工聯會東區區議員王國興反駁，區諾軒公然焚燒基本法等證據俱在，選民依循法律程序，是要尋求公義。
昔稱再燒基本法
有關的電台節目重播了區諾軒日前在選舉論壇中承認會再燒基本法的片段，其對手任亮憲當時「白紙黑字」舉牌質問區諾軒「（現在）仲燒唔燒基本法？」他馬上回應稱「如果見到一些抗爭，需要去做呢個行為，我唔介意再做一次。」
區諾軒在節目中辯稱，自己當日被對手任亮憲及陳家珮一直追問，無法在「來來往往直接講」的討論中「將所有嘢睇得好清楚」，「當時我理解嗰樣嘢就係我哋有一個行動，嚟到去反對人大釋法嘅時候，你問我願唔願意再做，我話我唔介意再做」，並再「戴頭盔」聲稱，「如果言論造成乜嘢意思嘅誤會，我願意收返。」
面對被選民司法覆核，他質疑對方是「輸打贏要，根本無必要」，而協助市民入稟高等法院的「23萬監察」發言人王國興更是「故意挑動社會矛盾」，希望法院可以「還他一個公道」，「我唔希望王國興同佢嘅支持者透過法律機制達至佢哋嘅政治目的！」
針對他曾在公開場合大唱「獨歌」《城邦會戰勝歸來》，區諾軒稱是對手陳家珮故意狙擊，以其中一句歌詞「誓殺滅蝗蟲全為愛」指控他歧視新來港人士，「個個都唱好多歌㗎喇，咁係唔係唱完首歌係咁嘅意思？」、「根本係作者已死，任人詮釋。」
他更聲稱，一個人的立場「或會有轉變」，單憑昔日某些行為判斷其是否效忠香港特區，並「剝奪」其「政治權力終身」，是「白色恐怖」云云。
王國興在接受香港文匯報記者查詢時形容，區諾軒的說法完全是本末倒置。區諾軒過往曾公然焚燒基本法，又曾唱具有「港獨」色彩的歌曲《城邦會戰勝歸來》，已顯示他並非真誠擁護基本法及效忠香港特別行政區，今次才會有選民依循法律程序尋求公義，絕非挑動任何事端，又形容區諾軒的言論是「狗口長不出象牙」。
網民斥無誠信 呃高薪
部分激進反對派中人亦對區諾軒的言論甚為不滿。「武士亭」在「輔仁媒體」出文，話「係（喺）經歷多次唔認自己，選前話唔介意燒多次、選後話堅決不會燒，區諾軒既（嘅）誠信超越周庭、趕過朱凱迪，可昭日月，成為香港反對派新左翼之楷模。」
網民「Cheung Tat Ming Martin」直言：「你收番（返）講過的言論才是不尊重選民！」「Keung Chun Chui」揶揄道：「民主選舉既（嘅）嘢，論壇講既（嘅）嘢，你唔係當真吓話。呢啲嘢係呃選票，選舉真正義意是：睇吓邊個呃得多。呃得多咪當選囉，好簡單咋！」
「Keith Lau」也說：「（區諾軒）都呃完本土票，（連津貼）可以袋22萬一個月，梗係乜×都話冇啦！」「Frank Ching」道：「你哋班投泛民嘅傻仔睇清楚，有人做咗議員就縮，你哋繼續勇武，讓人生更精彩。」「Paul Lam」就話：「古有彼得唔認耶穌，今有人唔認得自己。」