■古巨基（左）出席美容店開幕典禮，林盛斌則擔任活動司儀。香港文匯報訊（記者 梁靜儀）古巨基（基仔）昨日到旺角出席醫學美容集團新店開幕典禮，並擔任剪綵嘉賓，而林盛斌（Bob）則擔任活動司儀。會上基仔笑指太太Lorraine以前不太索，但試做完美容療程後索了很多。阿Bob又搞笑問一向多手汗的基仔可有興趣試埋止汗療程？基仔坦言以前的女友及太太都不介意他手汗多，不過試過做騷時因手汗多而整壞了四、五支咪。基仔受訪時笑說：「以前一直以為古太只有內在美，𠵱家內外都一樣美。（唔怕太太嬲？）佢知我愛佢就得啦！」基仔認為太太愈來愈後生是好事，因為自己經常被指「凍齡」，太太是「逆齡」最好不過。
近日基仔被網民結集他由古裝劇《還珠格格》到時裝的造型相，他說：「其實網上流傳過一段時間，話我同孫中山撞樣。（開套戲演他？）真係收過呢個邀請，但時間問題冇拍到。」他謂覺得撞樣的事好特別，如果劇本和時間上配合到都樂意去嘗試。
提到其老友古天樂前晚得金像獎最佳男主角，基仔表示有睇電視，替他感到開心：「我傳短訊畀佢，他覆好多句多謝畀我，之後會約佢慶祝，相信佢呢排都有好多慶祝活動。」快將舉行演唱會的基仔，表示準備閉關綵排，而今次個唱雖不用騷肌，但他都要戒口，食物以白烚為主。
阿Bob補數請太太旅行
同場的阿Bob上星期跟公司員工到泰國旅行，又跟穿性感泳衣的旗下女藝人合照，問到他不怕太太會嬲嗎？阿Bob說：「搞笑扮鹹濕佬影相，太太當然唔會嬲，但旅行過程不停傳仔女啲相畀我，似乎有所暗示。」問到太太為何沒有同行？他謂太太要湊仔女故沒有同行，遲些他會補數。