■今次比賽，霆鋒要煮多三十人分量。香港文匯報訊 真人騷節目《名廚爭鋒》將近尾聲，前晚播出最後一集，謝霆鋒與加拿大名廚David Rocco繼續上演廚藝對決，今次大隊去到馬來西亞的怡保。當地名廚做導遊，帶着霆鋒和David大吃當地名物。之後怡保名廚就先撤退，讓霆鋒和David慢慢感受怡保的飲食文化，希望可以啟發到他們第二日比賽的菜式，臨走前，David好搞笑咁話：「全部單會入你數㗎啦。」
比賽當日，二人蒙眼試食馬來西亞著名美食Rendang Tok（仁當）。跟以往三站不同，今次比賽時間是三個半小時，因為除了要煮給三位評判食，還要煮多三十人分量，再送到餐廳，霆鋒說：「煮三十人分量，絕對係一個挑戰，所以行動要非常之快，如果唔係就大鑊。」除此之外，今次不再是獨自一個煮，而是要跟當地廚師合作，霆鋒說：「我幾鍾意同唔同廚師合作，因為會學到唔同的烹飪技巧。」
廚藝賽成抗熱賽
比賽地點設於室外，大家都煮到出晒汗，霆鋒邊煮邊說：「呢個唔係廚藝比賽，呢個係抗熱比賽。」雖然二人都於指定時間內完成菜式，但一向自我要求高的霆鋒看到自己作品時，似乎不太滿意，「我見到我碟菜上面塊麵包，有好多泡泡，好似溶咗咁，再望一望David，我覺得佢做得好好。」
三位評判都好欣賞兩位大廚的菜式，特別是霆鋒的創意，「整個菜式都充滿Rendang的味道，將怡保著名的咖啡粉加入菜式中，將菜式帶到另一個層次，做得好好。唯一美中不足是咖喱角太油，有啲overcook。」至於David，評判們就話：「辣辣哋、有椰奶，不過presentation方面太簡單，可以好啲，感覺好似街邊買的食物。」最後霆鋒以24：23勝出，總成績霆鋒暫只以92：91一分領先。