第六場､第四班､一六五○米。「威震天」前仗喺五班出爭谷草千八，喺雷神胯下一放到底三倍贏馬；上仗轉戰谷草二千二，長途馬用黃皓楠全程擺前走，鬥到拉士百餘米才乏力只跑第七，所負不遠；據姚廄手足透露，「威震天」向來有急躁毛病，目前已越來越收斂，今次縮戰泥地一哩，說不定可殺個措手不及。
第七場､第三班､一六五○米。「都靈紅星」初出喺田草千二跑第五；翌仗轉爭千四，名次再進一級獲殿，進度與時並進；跟手兩戰得冠亞各一；隨後兩戰卻未有佳作，進度停滯不前；是次揀泥地一哩誓師，續由梁家俊策騎排四檔，話唔定喺泥賽試出彩虹。
第八場､第三班､一二○○米。「大紅包」呂廄質新快馬，上回插班初出田草一千米直路賽，臨場不乏捧場客，可惜表現虎頭蛇尾，快跟兩段便無以為繼。今次練者揀泥地千二出征，近周由綸仔一手打磨兼試谷草大閘，走位3 2 1一氣呵成，加上此子連跑開嘅「鑽得勁」都放手就之，不妨作為半冷膽。