■郭羨妮(右)與黃芷晴不約而同稱會陪人睇波。香港文匯報訊（記者 梁靜儀）郭羨妮（Sonija）與黃芷晴昨日出席記者招待會，台上Sonija笑稱只因老公捧阿根廷，所以她都捧阿根廷。Sonija表示好少女士喜歡足球，但她都會陪老公觀賞賽事，不過就有少許悶。
近日都留在香港的Sonija指老公朱少杰正身在內地工作，8月才回港，她說：「老公都有叫過我去探班幾次，但沙塵滾滾又熱咪搞我，寧願等佢返來。」她透露女兒今個月底便6歲生日，屆時老公會抽空回港36小時，而每年她和女兒生日，老公都會返來。問到女兒可有要求舉行生日會？Sonija表示沒有，但有講想要什麼禮物，又說生日要騎馬，因之前女兒在台灣都騎過小馬，及見過她騎馬的相片。她指女兒性格好動，可能是遺傳自老公。
黃芷晴男友行外父政策
黃芷晴表示會陪爸爸黃日華睇波，反而男友對足球興趣不太大。她又指爸爸逢星期三就最開心：「佢會去踢波唔見人，想搵佢幫手都唔見人，不過佢開心我都開心。」笑問到其男友不太熱衷足球，豈不是行不到外父政策？芷晴笑謂不會的，因男友會陪爸爸一起睇球賽，平日同男友行街，知道爸爸夜晚要睇波，就會買定麵包給他吃，日前爸爸就買了一個麵包給男友作回禮，連她也沒有。 昨日是芷晴28歲生日，問到如何慶祝？她說：「會去食飯慶祝，但爸爸有工作在身唔能夠一齊慶祝，（可想有驚喜？）唔知呀！之前問佢去邊度食飯，佢又唔講，希望有啦，（想男友求婚？）唔會，都未有心理準備，我身邊都好少朋友結婚，我驚佢哋唔捨得我。」她表示生日願望希望家人身體健康，自己有更多工作，和身邊人對另一半好。