「愛護香港力量」早前到許智峯居住的堅尼地城一棟大廈門外示威，許智峯事後又玩混淆視聽，話示威者去佢「屋企」搵佢，係「好唔文明嘅做法」咁話。唔少網民就揶揄，許智峯自己搶人手機就唔算唔文明，人哋行使示威嘅權利就話人唔文明，個標準真係成把伸縮呎咁，反映咗反對派一貫嘅雙重標準。
「愛港力」示威，充其量都只係喺陷獗艀�嗰棟大廈門外叫吓口號，但《蘋果日報》報道時就話「愛港力」「直踩」許智峯「家門」外示威，又引述許智峯話「佢哋（愛港力）去我屋企搵我，影響我家人、小朋友同鄰居，係好唔文明嘅做法」，直情好似喺正陷獗蒆璁鴘糷f咁。
其實，許智峯都唔係第一次用呢種語言偽術，就同佢之前將企喺遠距離記錄議員行蹤嘅政府人員抹黑做「狗仔隊」一樣，意圖令一般人以為對方真係亦步亦趨咁跟蹤議員，都係為咗混淆視聽。
不過，唔少網民就揶揄，一個經常喺議會叫囂、暴力衝擊，到現在更加搶人手機仍然「理直氣壯」嘅人話人唔文明喎，真係人唔笑狗都吠。
有人回帶話，反對派都經常去人屋企示威啦，好似2007年，社民連「長毛」梁國雄就去時任房屋及規劃地政局局長孫明揚寓所門外抗議。
2012年，社民連成員晚上踩上時為候任特首的梁振英的大宅外就僭建問題示威等等，唔該阿許議員唔好雙重標準，應該鬧埋佢哋噃！■香港文匯報記者 陳川
網民批雙重標準
Honey Celia：團體抗議唔文明？咁許智峯你身為議員搶手機就好文明呀？你係（喺）立法會瘋瘋癲癲咁反乜反物又好文明呀？立法會會議中，衝向主席搶咪又好文明呀？開會時議員發言，你大聲在座位插嘴叫囂又好文明呀？
Aleck Choi：緊（梗）係文明啦，仲合法添（𠻹），違法達義喎。
Hang Chai：「佔中」夠係（喺）人地（哋）公司門口，係（喺）人地（哋）屋企門口抗議啦！講呢啲？
Ben Chan：呢D（啲）唔係黃營一貫做法咩，去你公司，去你屋企，去埋你親戚朋友屋企都得呀，又一個只許黃營抗議，不許別人發聲的鐵證！
Amy Wong：有一種香港文明叫：雙重標準！又有另一種文明叫：嚴人寬己！
Morgana LI：係（喺）許生眼中，文明係一把伸縮尺。
資料來源：fb留言區
整理：香港文匯報記者 陳川