■游月華（左）認親認戚，話自己係獨琦「2/3阿媽」。fb圖片2016年係威係勢搞旺角暴亂嘅「本土民主前線」前發言人「獨琦」（梁天琦）日前被裁定暴動罪成，唔少反對派都開聲包庇，但當然就俾人鬧返轉頭。為其中一個被告辯護嘅民主黨游月華，前日就喺facebook出文認親認戚，話自己係獨琦「2/3阿媽」，大讚獨琦「有抱負」、「有領袖魅力」，甚至「單純」咁話，仲話自己聽到佢罪成喊咗出嚟𠻹。有網民就質問︰「2/3阿媽，你個×街仔覺得人命如沙石，這是有抱負嗎？思想清晰嗎？有領袖魅力嗎？人做阿媽你做阿媽，知唔知個衰字點寫呀！」
「梁天琦是好人？臭味相投」
唔止呢個游月華俾人鬧爆，喺fb寫文話「獨琦」同自己都係被捲入「政治漩渦」嘅「中箭（香港眾志）」創黨主席羅三七（羅冠聰），講到佢哋自己「身不由己」、「迴避不了人生災厄」咁，同樣俾網民cap圖點名鬧爆，但就係幫其他「獨派」分子鬧囉。
「陳雪」就諗起之前有個叫「言某」嘅旺暴參與者，坐緊4年幾嘅監，「獨琦」當時都從來冇幫過手，「社運界反骨仔梁天琦，反骨仔就係反骨仔，佢係咪坐監都係反骨仔。如果坐監可以一筆勾銷，你試下同殺人犯、強姦犯受害者或家屬講，睇下佢地（哋）會唔會打×你？」
「陳雪」仲揶揄嗰班為「獨琦」「又感動又難過」嘅人「多口水」，形容佢哋「收了錢場大龍鳳果然不同凡響」，「覺得梁天琦是好人？物以類聚，臭味相投。」■香港文匯報記者 甘瑜